بياع كلام - منتدى الحوت السوري

إعـــــــلان

تقليص
لا يوجد إعلان حتى الآن.

بياع كلام

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بياع كلام

    تاجر كلام نوى الخصام
    فكر حالو شاعر همام

    ضرب حسام ضرب سهام
    عمل حالو شيخ وإمام

    حلل وحرم وضح أبهم
    ما فرق حلال من حرام

    برأ وجرم وعلينا تكرم
    بنظرة وإشارة من إبهام

    صال وجال وليلو طال
    وصاح ياخال كلو تمام

    صبر ونال سبع رطال
    حمل وشال كيس سخام

    بين الناس عمل قداس
    وطى الراس متل النعام

    عبى كاس وفضى كاس
    ماكان يجيه وحي الألهام

    قدام الناس دهب ألماس
    وهو من جوا إبن حرام

    نسناس خناس بنعل منداس
    بيوجع الراس حتى العضام

    بدو يعمل علينا راس
    فتعى وتفرج عهالأفلام

    خيط فتق وعلكل لحق
    حتى على خوالو والعمام

    قصرسبق ومرادو حقق
    لأنو أصلو واحد نمام

    جاجة حفرت عراسا عفرت
    طار ببرجها ألف صمام

    حلفت كفرت وللعش نقرت
    صارت تتمسح بالأقدام

    طلع عبالو يمدح حالو
    صار مسخرة بين الزلام

    فرد شالو بعمو وخالو
    وعمل حالو إبن كرام

    راح بالو فكرو وخيالو
    أنو الصدق هو أحترام

    ولالو لالو ياعمي لالو
    تركو لحالو بيصير صدام

    ولما أهتم وصابو الغم
    وفلتت من أيدو الزمام

    دخن وشم وسف ورم
    صار ياحرام كوم عضام

    صاح ياعم يسلم هالتم
    وبدل الكم أكل كمام

    أمن كفر وبمسك تعطر
    صار مفكر دايمة الأيام

    عاد وكرر نفس المنظر
    نسي أنو هالشي حرام

    فسر ونظر مدح وكبر
    وتبرا من دين الأسلام

    زعل وحنتر متل عنتر
    فكر حالو أبو عصام

    حسب عدد كالببغا ردد
    مالقي الا تكرار كلام

    عتق جدد وريحو بدد
    رمى رمية من غير رام

    كره ودد وسيفو حدد
    قطف زهور متل الخزام

    دفى وبرد جمع وشرد
    قرر يقتل طيور الحمام

    أكلو حسد وغل وكمد
    ورمى حالو قدام الترام

    راح مدرسة يتعلم هندسة
    أخد شهادة بزيت فرام

    بليل العسعسة حمل مكنسة
    صار يشحد لقمة طعام

    أكلتو وسوسة وحب الهلوسة
    كبر منخارو صار شمام

    فيا زغير لاتعلى كتير
    يللي متلك قدامي قزام

    نسيت كبير الشاعر الأمير
    يللي بيضرب تحت الحزام

    أسمو سمير وبحبو شهير
    الكل بيضربلو تعظيم سلام

    ملاحظة زغيرة
    =======
    هالكلام مو موجه لحدا بهالمنتدى
    بس لنكيد العدا ..بغير منتدى
    بمسك الختام

  • #2
    رد: بياع كلام

    مشكور يا غالي بارك الله بك وحماك
    ابو خالد الحبيب
    للدعم الفني وإستضافة المواقع والمنتديات

    admin@alhotcenter.com

    www.facebook.com/bnan4

    تعليق


    • #3
      رد: بياع كلام

      رائع كتبت فابدعت شاعرنا
      حروفك سطرت لنا على ورقة بيضاء ندية اجمل قصيدة شعرية
      تابع ابداعك وانثره وتاكد اننا من متلقيه
      شكراً لك وبانتظار نزف قلمك دوماً

      تعليق


      • #4
        رد: بياع كلام

        تعليق

        يعمل... جاري تحميل الصفحة
        X

        Google Adsense Privacy Policy | سياسة الخصوصية لـ جوجل ادسنس